魏军版《一夜夫妻·亭会》

admin

唱：父女双双进花园

　　牡丹凉亭已相近

表：阿囡喂  噶户人家是大哉，偌个小赤佬眼力还真当好，噶户人家投亲投进咚，爹爹下半世好享福哉。夏相公凉亭里头老早等伢哉，偌假山湖石旁边等着，我去欧伊来迎接你。

唱：牡丹凉亭来走进

　　女婿大爷叫一声

　　偌道我是啥人

　　我是偌咯老丈人

　　为只为  去年九月重阳节

　　偌收账到嘉兴

　　偌作伢阿囡施红菱

　　为买大菱起祸根

　　两个人出了大事情

　　你说道  一月二月写回信

　　三月四月挽媒人

　　谁知道  伢日子等了半年零

　　偌无音又无讯

　　伢阿囡  肚皮里头有小人

　　伢在嘉兴难做人

　　我送货上门到杭城

表：噶些辰光施金宝心里交关高兴，勿晓得夏柏树吓煞哉。老头啊老头 偌不要信囗雌黄自称岳父，想我的丈人乃是杭州知府，讲到你阿囡施红菱，我与伊是有一段小小的瓜葛，这无非是逢场作戏勿足为奇，今朝既然偌上门来哉，我也不让偌来白走，喏喏喏  噶头有一百两银子偌拿去，回到嘉兴可以度过光阴，奈咯话啊  一百两银子？哪里伢今朝到杭州来是问偌拿银子的呀？偌良心介坏，走，我与偌到外头评道理去，喉咙崩崩响么，夏柏树吓煞哉，眼睛眨眨，嘴巴噘噘，叫来两个家人，你们给我推伊出去。勿晓得两个家人来扯扯么，施金宝动都勿动。何柏树想上想这奈咯办，两个家人还扯伊勿动，奈咯办？对准伊胸部用力一拳，再朝伊下身猛踢一脚，施金宝防都勿防，叫伊怎么挡得牢，只好往楼梯档里骨碌碌滚下去，口吐鲜血：阿囡。爹爹！施红菱 ？肚皮介大哉，耶爹里感情呒有头皮别转由自话，噶些卯碰见红菱啦，伊格张脸孔一霎时也下勿落哉。

唱：红菱呀

　　红菱姐姐要叫一声

　　偌勿可怪我坏了良心

　　噶桩大事情

　　是我咯老娘亲  注意来打定

　　我要想违抗做勿成

　　噶头我有一百两雪花银

　　如数交给偌施红菱

　　偌立即动身回家门

　　下卯偌  千万勿可到杭城

　　有介机会到来临

　　我想方设法会去嘉兴

表：红菱姐姐，偌下卯杭州头一覅来哉，有介机会到来  我到嘉兴会来看偌，一百两银子偌毫快拿得去，好走哉！施红菱看上看夫妻勿认，一百两头又拿过来哉。

唱：公子

　　我勿爱金勿爱银

　　我爱的是  恩恩爱爱夫妻情

　　公子呀  难道噶一百两雪花银

　　能买我红菱一颗心

　　公子呀  难道我对偌一片情

　　只值噶一百两雪花

　　难道伢今朝到杭城

　　为的是一百两雪花银

　　公子呀  自从偌那日离嘉兴

　　我日夜盼望将你等

　　望穿秋水无音讯

　　才知道  一场高兴成泡影

　　我为你  三餐茶饭无心吃

　　我为你  长夜勿困到天明

　　我为你  黄花闺女破了身

　　我为你  躲躲闪闪过光阴

　　我为你  左邻右舍难见面

　　我为你  差险险断了父女情

　　公子呀  我为你一路长走到杭城

　　我为你  沿街求讨雪花银

　　我为你  披头散发勿像人

　　我为你  东打听来西找寻

　　好勿容易来找到

　　偌为何翁婿勿相认

　　莫非偌早就变了心

　　莫非偌已经  莫非偌已经有夫人

　　公子呀  若凡偌己经成了亲

　　偌哪怕拨我做一个

　　二房夫人我也答应

　　公子呀  倘若偌有为难处

　　二房夫人都难答应

　　哪怕拨我做一个

　　做一个丫头我也甘心

　　可怜我咯老父亲

　　虽则年纪有六十零

　　伊挑水劈柴样样能

　　总叫偌拨伊收留进

　　伊哪怕拨偌管管花园门

　　公子呀  做人总要凭良心

　　人凭良心树凭根

　　偌勿看僧面看佛面

　　腹中小孩偌亲生

　　求偌公子发善心

　　拨伢爹囡收留进

　　待等我孩儿来出生

　　伢父女仍旧回嘉兴

表：阿囡，偌叫我拨伊管花园门，阿囡，噶户人家我覅来哒，伢还是回嘉兴去！

clx008