跑马比枪

江南社会 · 发表于 2012-3-3 09:18

跑马比枪(根据录音整理)
唱：
漫天大雪卷狂啊风深山老岭冰雪喂咯封
飞雪迎春好风光却有豺狼来逞啊凶
东方红哟东方红解放军咯部队进啊山中
为国为民打先锋要扫除一切害人喂咯虫
小分队内一英雄林海雪原显威啊风
威虎山上当团副侦察排长叫杨啊子荣

表：侦察排长杨子荣打扮成奶头山高头咯饲马副官胡彪来到威虎山高头，座山雕是勿是对伊相信哉啊，谈也覅谈，昨天夜头座山雕十足半夜头勿困熟，把参谋长呃哒房间里头两个人商量好，明朝早起要是个来是个去是个长是个短，就我则侬两个人己有数，咋那天家一亮，威虎山高头一面破铜锣，咣，咣，咣，锣鼓一响么，威虎厅里头哦落落落落落落跑出来五百个喽啰，来到虎额坡，格头两百五十个，格头两百五十个，左右立一立，威虎厅里头咣啷咣啷走出八个人来，噶咯八个人就是赫赫有名咯八大金刚，噶咯八大金刚有长有矮有胖有瘦，长咯像廊竿，矮咯像酒坛，胖咯像肉猪，瘦咯像猢狲，噶咯八个金刚个个都有草名叫穿天金刚，矮咯扑地金刚，双枪金刚，飞腿金刚，矮脚金刚，铁头金刚，大肚金刚，顶顶末笃咯叫七石刚，四个四个旁边立一立噶，威虎厅里头啪啪啪啪走出四个人来，噶咯四个人头高头黑咯帽子，黑咯衣裳，黑咯裤子，黑咯袜子，黑咯鞋子么，腰部里两管各手枪，就是座山雕咯贴身保镖，格咯四个保镖本事呆呆呆咯好，噶四个保镖每个人都有草名，一个叫大力气，一个力气大，一个大气力，一个气力大，两个两个左右立一立噶，咋那座山雕上场，座山雕看上看人马差勿多哒哉，一双眼睛则旁边头咯参谋长横上横，昨天夜头教侬咚两句说话了侬先好开场哉，勿晓得噶个参谋长是山高头有名咯五子登科，纳格叫五子登科，人生得来得咯长是个长子，长哒咚来得咯胖是个胖子，脸孔高头一百零六点咯大麻子，一只眼睛石么是个石子，叫长子胖子麻子石子露得四子，还有一子比较秘密，为啥呢，伊帽遮牢夯，要帽哒咯下还么，哎哟断命咯癞子闹，座山雕则伊夯打招呼啦，两只眼睛勿留心看，独只眼睛老早看见哒哉，伊道想了想则做戏文对气头牌角色还勿来哒嘞，老九还勿来呃我纳格开开场呢，所以立哒咚当假勿看见，座山雕想上想平常间头侬咯人机头蛮蛮灵咯，纳格今朝是咯来则侬打招呼木知木觉，一双眼睛啪咯弹过去了，参谋长也要生气咯啊，眼睛来弹我啥，侬还道我勿看见啊，我老早看见哒在，侬覅看我眼睛数量么随少，咔质量相当高啊，随便啥咯东西叫给我看见过就一目了然，煞煞清爽，山爷喂，老九还勿来哒来老九，就在噶些晨光，威虎厅里头噔噔噔噔跑出一个人来，只见他身材魁梧，脸堂红润，眼似闪电，耳听八方，雄赳赳，气昂昂，噶是啥咯人呢，他老家山东，出身贫农，经过炮火咯锻炼，入党培养成功，两道目光炯炯，皮肤黑中泛红，络腮胡子蓬蓬松松，要问此人是谁，就是那大勇大谋侦察排长杨子荣。

唱：
威风凛凛杨子荣昂首阔步快如呀风
举目抬头四下啊望今日情况大不了同
上坐着阴险毒辣咯座山雕笑里藏刀眼目红
八大金刚立两旁全副武装是气啊势凶
还有那五百喽啰左右分好像是饿煞豺狼刚出了洞
我要刀对刀嘞枪对枪大胆细心斗恶喂咯虫
我定要把主席教导牢牢记
在战略上藐视敌人
在战术上重视敌人
百倍警惕处处留神
出其不意攻其不备
定将那主动权掌握在手中

表：那格就是做戏文，勿管古装戏还是现代戏，凡是头牌角色到哉都要是咯装一装，书面高头写写叫亮相，格就是源于生活，高于生活，咋随话日常生活当中鞋里咯朋友话绍兴剧院到哉要是个装一装么，咋格老倌勿是兰亭逃出哒，一定是马臻路横过来咯。座山雕看上看老九到哒哉，嘴部撅上撅，咋那参谋长上前一步，弟兄们，今天山爷有令，他说老虎皮只有一张，我们大家都要，所以山爷说叫我们大家比枪，谁的枪法好，这张老虎皮给他。。。话落过之后么，八大金刚当中其中有个飞腿金刚，老四，伊道想上想，威虎山高头有是个手冷发足，随话格张老虎皮给我做皮大衣做一件，咋随好勿过哉，不过想上想格张老虎皮我是不会有份咯，一定是伢骑兵团团长三金刚，伊还勿走出来闹，对咯，奥毛伊咯人块头大，随话做件皮大衣穿咚啦，要流鼻头红血咯，总叫侬覅伊了还板归我哉咯，所以勿客气，上前一步。弟兄们，阿拉的个枪法，大家随晓得咯，呵呵，今朝打两枪给奈看看，见识见识，好哇啦，话落过之后，头皮一呦（低），骨碌碌碌碌碌，勿到半支香烟功夫，圆圈荡上两个，旁边头格班喽啰，哎哟，格杀头坯纳格有是咯手快发足，到底是飞腿金刚哒，三个圆圈还勿荡落，大家啦出白口哉，啊哪里今朝呃伢来赛跑啊，随话谁走路顶赶快老虎皮给谁，咯倒还侬有望头哒嘞，呃伢打枪呀，纳格枪么勿打还只管会跑咯闹，三个圆圈荡落，一个立正，拿起格只左脚“忽”，啊侬咯只脚好踢踢咯啊，一只脚啪咯踢上去么，要死哉夺来鞋带勿吊牢，一只破皮鞋“飞”，哦，皮鞋踢出哉，奈还道伊出洋相，伊咯贼坯还是有意踢出，皮鞋踢出过之后，出了袜底冷也勿怕哉，荡了个小圆圈，腰部里一管手枪拔一拔咯，对准格只破皮鞋，“当”，“呼”，大家看，皮鞋鞋底上相一个洞，鞋底上相一个洞，旁边头格班喽啰好哇好哇，哪能啊，啥人同阿拉来比啊，没人比阿拉勿客气哉奥，格张老虎皮我拿了奥，呵呵，爬上想拿老虎皮么，旁边头有人啦出白口哉，格杀头坯打了只破鞋头想拿老虎皮，覅侬咯脸皮了，鞋里伢威虎山高头比侬好咯枪法恩牛咚在啊，奈气头勿可急，老二恩鼻头挤上来，慢，慢慢较，我要则侬比一比哒嘞，来，呃得声来，走过来一个心腹人，呵呵，啥事体啊？耳朵头关照伊，侬给我是个来是个去是个长是个短咯，呃伊到兔房间里去大些咯野山兔柯只来，离开我一百步路外头，人蹲倒，手亲（摁）牢，待些我会则侬打招呼咯，我话一二三，三字话出，侬手放还，我自会处理咯，随话三字话出，侬还勿放还，子弹勿生眼睛咯奥，打哒大手胖里勿是我之苦，哦，有数哉，柯来一只野山兔，离开恩鼻头一百步路外头，人蹲倒手亲牢，耳朵竖起来哒听，随话三字呃出我活暴咯逃嘞去哉咯，恩鼻头想上想差勿多哒哉，一件皮大衣脱咯脱，地下里啪扑倒，因为伊是扑地金刚，打仗哉要地下里扑倒咯，手枪拔一拔咯，”二”,”二”要死哉鼻头有毛病一嘞二分勿灵清，一也是二，二也是二，趣靠伊咯说话老听落哉咯，头一声是一，第二声是二，随话再来声我好走哉咯，马步老早摆好哒哉，勿晓得今朝恩鼻头神经紧张，随话格颗子弹打出去打得推板了，老虎皮拿勿拿是其次咯奥，何毛威虎山高头名气要恩牛咯加，所以神经一紧张么，一头皮肉同得夯头咯皮肉碰牢哉，三字夺来克勿出在，“克克克”，侬覅则伊吓煞咯啊，侬再来得声么，让我好走哉，总算给伊撑出，“二，又是“二”，晓得一定是三哉咯，所以两只手啪放还咯，连忙往旁边头一个磊地畚斗磊开，一只野山兔骨碌碌碌碌碌，恩鼻头本事也好咯，格种野山兔随话柏油马路高头把伊放咚啦，伢现在皇冠牌咯轿车开哒八十码都追勿牢，“碌碌碌”跑得去，拿起一枪，“当”对屁股打着么，“并”困翻，旁边头班喽啰好哇，恩鼻头高兴啊，纳格套，侬咯枪法好还是我咯好，勿客气哉奥，老虎皮我拿哉奥，慢，阿拉的个枪法有名堂，侬晓得哇，侬格咯枪法有名堂哇，啥希啊，花头绿滴滴还话出名堂来哉，侬叫啥名堂，阿拉格个枪法叫四金刚手托花壶雕，侬叫啥名堂，啥西啊，破皮鞋好当花壶雕咯啊，我咯好皮鞋好当大鹏鸟哒哉，侬有名堂么我也有名堂，我叫嫦娥月下追玉兔，两个人碰拢要打人阵，旁边头骑兵团团长上前一步，他娘的，滚，恩鼻头想上想，头毛胃口恩牛，格毛给伢两个夺起来还浓也来哉，侬来哉我恩牛胃口哉咯，好自觉哉咯，我是要解手去哉，旁边管自游开。咋那骑兵团团长一些勿客气上前一步，老九啊，听说奶头山，你是饲马副官，我是骑兵团团长，咱们两个人都是马上的人，今天我要跟你跑马比枪，口气大勿大啊，看伊勿起，伊话侬奶头山高头来夯是个饲马副官，我威虎山高头骑兵团团长，我则侬大家都是马高头咯人，今朝我要则侬跑马比枪，杨子荣晓得格是座山雕咯阴谋诡计，那好吧，你先打还是我先打，我先打，骑兵团团长想上想就一样东西好打，我老早看过在，勿客气，一定要先打，所以缰绳一把拉，驾，刮啦啦啦啦，往虎额坡跑落去跑落去跑落去，到老虎咯鼻头叫虎鼻沟，有三丈三尺宽，下底是万丈深渊，一匹马刮啦啦啦啦离开虎鼻沟还有廿公尺，十公尺，五公尺，还有五公尺咯辰光，两只手领鬃毛一拎，“嘶”，格只马则人对气笃直哉了，咋那腰部里两管手枪拔一拔咯，胸空头马咯项颈里贴牢，“当”“当”两颗子弹打过去，旁边头班喽啰好哇好哇，打哒鞋里头啊，虎鼻沟下底头是老虎咯舌头，舌苔里啦有一张旗杆，旗杆高头国民党青天白日旗，飘飘飘飘来夯飘，两颗子弹“当当”上下两梗绳打断，咋那格张旗飘飘飘飘夯跌落来，喽啰们都话好哇，连至恩鼻头则伊有矛盾老倌看上看，贼坯还随有些好哒，老九，看你的啦！杨子荣想上想枪法果然勿错，腰部里摸上摸么今朝自就一管手枪，勿管纳格套侬是两只手左右开弓，我一管手枪鞋怕打得则侬咯好啦，也话字勿响总归缺一枪，旁边头看看，拉扎苗头，想好些咯枪借一管，咋那恩鼻头啦想上想我老九里麻油要搭牢，何毛随话伢骑兵团团长要来则我对刀哉么我好呃伊帮帮帮忙，老九，我咯管借给侬，用熟家生给伊，杨子荣检查一番比较正常，借来咯家生摆哒顺半边，用熟家生插哒左半边，缰绳一把拉，驾，“骨咔骨咔”呵哟，格匹马叫踏雪乌云犳，日行千里，夜行八百，两耳笃嘞两眼凸，两只眼睛啪咯弹出有则廿五之光咯电灯泡咯大，咋那杨志荣马高头一坐，缰绳一把拉，后屁股轻轻交一鞭，驾，啊啦啦啦啦啦啦啦啦啦啦，离开虎鼻沟还有十公尺，五公尺，三公尺，两公尺噶，旁边头守夯班喽啰，咋死哉，侬还来寻死咯，吓哒眼睛都勿敢看，恩鼻头想上想咋死哉，伢老九威虎山高头地形勿熟悉，有三丈三尺宽嘞，侬随话啪咯跌落去骨头都要寻勿着哉，咋纳格办，我咯管枪问谁去还，老九，虎鼻沟，虎鼻沟，下底在呃，还来得及啊，离开虎鼻沟还有两公尺，还有一公尺噶，已经来勿及哉，缰绳一把拉，两只脚髁头马咯肚皮里一夹，随溃些咯马肚肠都给伊夹出哉，后屁股嘭一把拷，驾，“哗”，“嘭”，跳哒对照头啦，马啪咯扣牢过之后，两管手枪拔一拔，一个运手鹞子翻身，哗，当，当，轰，哗啦啦啦，好哇，好哇，呵哟格两颗子弹打了鞋里头啊，纳格声响有咯许多啊，原来啪转过去，有乘吊桥抽起夯，吊桥里两梗铁索，当当，铁索打断，一乘吊桥嘭倒翻，一匹马啊啦啦啦往桥高头扫上去，一班喽啰都好哇，恩鼻头高兴煞哉，何毛靠山有哒哉，来哒跳舞哉，嗦啦嗦嗦咪来驼，嗦啦嗦嗦咪来驼，格人搭麻油叫见缝插针，等哒啪跑过来之后当是话，老九，老九喂，我老早有数哉，枪法随是侬好，他娘的，你放屁，侬是是伊好啦，侬要三个人抵伊一个来，侬是老三呀，伊是老九啊，要三三得得得，得勿落去哉，三爷，伢么每个人大家都有一个名堂，老老九也要给伊取个名堂，三爷话，咔侬话给伊取个啥咯名堂，我话给伊取个“打虎金刚”，咋那杨子荣上威虎山，座山雕要七试杨子荣，今朝头一试叫跑马比枪，到此结束！谢谢