《酒鬼》

江南布衣

创作：越声莲花落

唱：浙江绍兴特产多，绍兴黄酒有名望啊。

绍兴酒是历史啊久，沈永和老酒，1915年金牌是已经捧到喂咯手。

绍兴老酒味道厚，着乃千万勿可喝过头。

随话奈老酒喝过喂咯头啊，着糊里糊涂是面子丢。

表：朋友们，今朝我来唱只莲花落，题目叫《酒鬼》。着我们绍兴宁都有数“酒鬼”格个名字，大家都觉得非常难听。不过，随话要得到格个名堂了，也是勿容易咯，侬光会醉还勿够，还要醉得有水平，有特色，醉的与众勿同，人人称绝。今朝我来唱段莲花落，就拨奈晓得晓得奈咯叫“酒鬼”。

唱：青年朋友叫阿九，老酒咯胃口是实在大啊，

伊一瓶两瓶是漱漱口，三瓶四瓶是刚刚啊好，

五瓶六瓶要墙头扶牢会得走，七瓶八瓶是浑登啊登，

九瓶十瓶是难以喂咯行啊，拉倒在地昏登登。

表：这个阿九，伊是爱酒如命，今朝夜饭朋友啦屋里吃咯，他喝了五瓶加饭酒，只觉得头脑浑登登，脚步佬佬轻，回去咯辰光，一脚高一脚低，好像跳舞咯来夯跳回去。刚刚实介跳过去，要死哉，冤家，前头有块石巴掌，许到格辰光阿九脑壳下底两个洞眼用场勿大派在个呀，跳过去刚好石巴掌“坪”一记，阿九他说“哎…哎……哎……侬乌珠爆出哉啊，乌珠爆出两个汪塘总来咚，奈咯夹头咯撞过来？”伊骂好一听，“闹”撞了我头还声音都呒有，用手去摸了摸，“奈”还介长哒，好像有篮球冠军姚明咯长哒，仔细再摸一摸，要死哉，勿是姚明，还……还……还要命哒哉。

唱：要命要命随要命，我老酒吃饱浑登登，石巴掌来哒当个呀宁，

鲜血流出的有咯大半喂咯斤啊，着么自作自受自吃苦。

表：喔哟，要死哉，是块石头闹，我还道是个宁，想了想，“啊呀”呒有话头还是回去，再走……

唱：阿九他，摸黑来咚回家行，路过一段石板路，

石板高低是不大啊平，依道石板里绊了绊，

跌了一交是无响喂咯声，朋友们奈道出了啥事喂咯情？

喔哟，原来喂咯是啊，跌了一交进梦乡。

表：原来格个阿九，石板里绊了一记，他呆毒毒咯还道眠床里绊进去了，着么“呼拉”“呼拉”咯困熟哉，侬么格里困熟哉，喏，夯头有个贼骨头来哉！

唱：阿哼，喏！我姓石名字叫石头，大家叫贼骨了个头，

我年纪已经四十过，老婆勿讨是家什无，

我日里在家动脑筋，夜头怎么去偷易成，

前两天我东西勿偷，来夯偷女银，伊话道要三万钞票跟我行，

着我总究半夜三更多行行，啊呀多行行！

表：
哎，女人个东西讨厌随讨厌啦，话要三万钞票，靠我哪里拿得出啊，拿勿出么我总就去偷去哉。我刚刚头冒夯头有两件衣裳偷来哒，今朝总还勿够些大来，照实介落去我老婆要啥咯时候有得讨来。哎，再去荡了荡来，生活再去做了阵头来。这个贼呸偷东西话叫做生活去咯。着这个石头这样来咚走过去，前头有个拧困咚伊许道勿晓得咯呀，走哒阿九咯旁边到哉，贼骨头要死哉，阿九咯脚里绊了记，“并”咯来了个嘴啃泥，爬当勿起咯，“喔呦”，奈么，是啥西佬？爬哒起来摸了摸要死哉，还是个拧闹，伊道双脚一软“朴落笃”咯拉倒。

唱：石头是要吓死宁，路当中央困着一个啦咯宁，一声勿响为何啊因。

走将上前看灵喂咯清啊，原来还是个倒醉鬼。

表：吼，还好，我还道是个死尸闹，走哒上去摸了摸，还热大来，闻了闻，都是咯酒气，想了想咯个户头还是老酒吃饱这里困熟哒哉，着么胆子大哉，将他上上下下照了照，“恩”一套西装还是雅戈尔，金利来咯衬衫，老人头咯皮鞋，袋袋里摸了摸，钞票还有一千多，信用卡还有咯两三张，裤腰头还有只新款的诺基亚手机，石头一想着谁好哉，

唱：我都给你带带去么算哉，

倒醉鬼啊倒醉鬼，侬个了个东西我欢喜，

侬了暂时借我喂咯借啊，下次有机会再还给你。

表：石头想到这里，把阿九咯衣裤都脱掉，收好，看了看就剩了条短脚裤哒哉。“哦”我头冒有套女人衣裳偷来咚，拨伊穿上去么算哉。着贼骨头拨伊一套衣裳穿好，东西收了就走。格个阿九还一些都勿接头，还刚刚来哒做夜梦，头冒跌倒还道跌哒眠床里哉，贼骨头拨伊脱衣裤、穿衣裤么，伊还道耶老婆拨伊来咚弄咯拉，心里刚刚来哒想，今朝伢老婆奈咯介好哒哉啊，老酒吃饱还勿来骂我，还拨我脱衣裤，还拨我穿上睡衣裤，还来哒说夜话哉，“老婆，侬随好，随好，谢谢老婆!”

唱：唱个头来表一情，暂勿唱阿九心里蛮高兴，

要唱一个贼骨啦咯头，唱着绍班把女人呃。

他女人屋来走进，长长短短讲灵喂咯清。女人听得要笑煞宁，

表：哈哈哈……今朝运道好，碰见了实介一个户头，东西还有勿少，先咯里放一放，我再出去荡一荡，奥冒还有夯来呢，要死哉，伊还呆子掘菩荠哉。我先勿讲耶两个宁，要讲一讲阿九咯老婆阿玉，屋里坐坐来夯等阿九，想了想现在已经12点哉，咯呆子奈咯还勿句来呢？

唱：阿九啊，侬到朋友屋里起吃饭，现在已经半夜零，为啥还未回家门。

莫非你老酒吃醉路难行，莫非你老酒吃好在戏赌，

莫非你走出外头去嫖女啊宁，我心里想想实在喂咯慌啊，打个电话把侬叫。

表：着他老婆一个电话打过去，要死哉，许道一只手机被贼骨头偷了去哉，放在一个女人那里，女宁一听手机响了，还以为石头打电话拨伊哉，拿来手机一接，“喂……”一听里头还勿是石头还是个女人声音，连忙挂落，阿九老婆阿玉一听，闹，电话打过去奈咯会是个女人声音咯啊，怕倒打错哉啊，一看还勿错，着格时候咯脑子是木佬佬咯满哉，想啥西咯都有，所以心里是越想越慌，越想越慌。就在格辰光，阿九倒还磕充梦咚咯醒过来哉，一看，“脑”我奈咯还在路高头？连忙爬起跌煞绊倒回去，穿了套女装也不接头。到了门口，钥匙也呒有哉，敲门“笃、笃、笃”，阿玉门开了开来一看么，啊……

唱：阿九，侬么真当是个呆阿九啊，

侬咯做人是无分寸，半夜三更是何处喂咯行，

为何穿了套女装回家门，

一定侬外头来夯搞女喂咯宁啊，今朝要给我话哒灵清。

表：阿九看了自己都呆环，“闹”我奈咯会穿了实介一套衣裳咯？伊越解释越糊涂，阿玉还要逼着伊话着伊奈咯还话得灵清，话勿灵清么两老婆要闹离婚哉。阿九一想咯晕啊，都是我吃酒闯咯祸，到了第二天，伊思前想后还总算拨伊想出哒哉，一定是我困在路高头，衣裳、东西拨小偷偷去哉。想到格里，连忙报警，公安人员做好记录，就以手机为重点马上扣牢了贼骨头，据他坦白交代，事体总算清爽，阿九咯老婆也有些相信哉，不过，伊老婆还有个条件哒来，伊说：“阿九，你要同我好，侬咯酒必须戒掉，“阿九通过咯桩事体，教训也深刻哉，连忙答应：“我戒、我戒！”哈哈哈……

唱：嗳，老酒随是好东西，好东西也有正反面。

奈吃老酒，做事体都要有分寸，呒有分寸样样事体都勿能。

祝大家，家庭和睦万事新，美好生活是乐悠悠，乐悠悠！

余姚莲迷

ok，ok是优秀。。

clx008